Jeden Ogenblick rappelt än Zug vöbi,
On,dä Schottssteener qualmt . . .
So wät dä Heeme väsaut on termalmt.
Awer ick segg ät on bliw dobi:
Low git enke Ruhr on low git dän Rhien,
Wat süs noch aal, ick gönn enk dät,
Ick awer low min Schmuddelin,
Dät hett bi mi än Steen em Brett.
Eemol es öt ok opp silwerne Fäute gegohen
On ha än kloe Gesich,
On't allerschönße Gedich
Dee öm woll tau Gesichte stohen ...
Do het öt Mitleid met dä Menschen gehadd,
Dä so schwoe hät wullacken mäuten ...
"Wie?", sagg öt, "dät sall woll
wat heiten!
Aangepack!" On do wo öt so schwatt.
Awer dät dee öm on däut öm nech leed;
Dät schwatte, dät es sin Ehrenkleed.
On dodropp geff ick enk Siegel on
Breif:
Ick low mine Emsche on häw sö leiw.
Hermann Hagedorn
